CREON

I.
CREON
Thebanorum Rex, Menotii fil. et Iocastae frater, qui Laiô, ab Oedipo filio occisô, regni administrationem arripuit. Verum cum Sphinx, Typhonis et Echidnae filia, Thebanum agrum crudelissime vastaret, neque aliud tantae calamitatis remedium ostenderetur, quam si quis aenigma ab illo propositum dissolvisset, Creon, propositô per universam Graeciam edictô, si quis id praestare poslet, Iocastam, Oedipi matrem viduam, illi se uxorem daturum pollicitus est, regnôque Thebanorum ultro cessurum. Quibus praemiis illecti non pauci cum propositum aenigma dissolvere non possent, a Sphinge occisi, temeritatis suae poenas dederunt, donec ad rei famam excitus Oedipus, Laii et Iocastae filius, aenigma explanavit. Quam rem tam aegre tulit fera, ut protinus sese ex praerupto monte dederit praecipitem. Hâc itaquâ via Thebanorum regnum adeptus Oedipus, matrem imprudens uxorem duxit, cum paulo ante etiam patrem occidisset. Quibus flagitiis postea cognitis, tantum ex iis animô dolorem concepit, ut lucis pertaesus, utrumque sibi oculum eruerit, Antigonesque filiae ductu, Athenis sese in exilium contulerit, regnô Eteocli et Polynici filiis suis, eâ conditione, relictô, ut alternis annis imperarent. Cum autem Eteocles (cui, quod maior natu esser, priores vices Polynices concesserat) exactô iam annô frarrem non reciperet, gravissimum eâ occasione inter Argivos et Thebanos bellum est exortum: In quo cum fratres ambo mutuis vulneribus cecidissent, Creon denuo regni gubernacula recepit. Verum, cum praeter alia complura inclementiae suae exempla, Antigonam et Agriam interficiendas curâsset, quod illa fratres, haec virum supremô sepulturae honore essent prosequutae, cumque occisotum Thebanotum propinquos funeris officiô prohiberet, Theseus Thebanarum matrum querelis commotus, Creonti bellum indixit, proeliôque victum vitâ exuit. Statius, in Thebaide.
II.
CREON
ontis, Corinthorium Rex, praedonis Sisyphi fil. qui Iasoni post medeam repudiatam filiam suam natu minorem, nomine Creusam, uxorem despondit; quam rem iniquô animô ferens Medea, coronam naphthâ illitam sponsae donô misit, quae sub noctem, luminibus accensis, conceptô igne, non modo illam, verum etiam sponsum, et socerum cum tota regia concremavit.
III.
CREON
ônis, mons Lesbi Plin. l. 5. c. 31. extr.
IV.
CREON
primus Archon annuus Atheniensium. Velleius, l. 1. c. 8. Ex annuis (Archontibus) primus Creon. Eusebius in Chronic. Ε῎δοξεν αἱρεῖςθαι ἄρχοντα κατ᾿ ενιαυτὸν, καὶ πρῶτος ἡγήσατο ενιαύσιος ἄρχων Κρέων, ἐπὶ τής εἰκοςτῆς τετάρτης Ο᾿λυμπιάδος. Eiusdem mentio in Marmore Arundel. Α᾽Φ᾽ οὗ κατ᾿ ενιαυτὸν ἦρχε Κρέων. Postquam nempe Medontiade VII. singula sua decennia (vel mirâ eorum fortunâ, vel Chronologorum consensu) impleverant, visum est Athenis annous creari Archontas, et quidem numrô IX. quorum primus esser ὁ τȏυ ἐνιαυτοῦ ἐπώνυμος, reliqui ὁ Βασιλεὺς Rex, ὁ πολέμαρχος Belli summus Dux, et VI. Thesmorthetae. Itaque primus ἐπώνυμος Creon factus est, annô Atticô 899. Olymp. 24. annô I. Horum autem Eponymorum Archontum nominibus signabant instrumenta publica; ut Ephororum Lacedaemonii: eratque primum Α᾿ρχοντογραφία haec politica, demum Chronologica esse coepit, a tempore Demetrii Phalerei, qui ipse Archon ann. 4. Olymp. 117. Primus contexuit τὴν τῶ Α᾿ρχόντων ἀναγραφὴν, in usum, ut videtur, chronologicum. Marmor praefatum Diognetô Archonte exaratum ann. 4. Olymp. 128. Epochas Graecas Atheniensium Archontibus signat, nec vetustior quisquam exstat, qui in chronologiam illos adhibuit. Unde etiam constat Archontes in Chronologorum auxilium prius accersitos esse, quam Olympionicas, quos Marmor omnino non agnoscit. Cum vero non fixa satis haec Archontum Chronologia esset, prudenter Timaeus Archontes cum Olympionicis contulit. Vide inprimis Diodor. Sic. cuius Decas II. locuples Archontum thesaurus est. Africanus a Creonte primo Archonte numerat ad Philenum usque ἄρχοντας DCCCCIII. ad Olymp. 250. annum tertium Antonini Elagbali, quo Chronicon is suum perduxit. Aliter Dionysius, aliter Pausanias. Sed nec nomina omnium illorum supersunt: eo quod a Chronographis sero congeri coeperunt. Solonis tempore, IX. Archontes annui, post datam Magistratus gesti rationem, in Senatum Areopagiticum conscribebantur: ipseque primus, cum antea iis una ius dicere non liceret, iussit illos συνειπεῖν, ut simul dicerent. Concessis autem Populo iudiciis, auctoritas illorum ac potestas sensim eviluit. Quam in rem vide plura apud Ioh. Marshamum. Canone Chron. ad Sec. XVII. et XVIII. Creonti successit Tlesias. XXXVIII. Olymp. erat Draco Legislator, ann. 4. Olymp. XLV. Cylon, qui affectavit tyrannidem: Olymp. sequente. Solon Legislator, ann. 3. Olymp. LIV. Pisistratus, ob tyrannidem eiectus, an. 3. Olymp. LV. reversus, an. 3. denuo pulsus Olymp. LVI. an. 4. Olympl. LIX. iterum redux. Olymp. LXV. Hipparchus fil. eius ab Arstogitone et Harmodio interfectus. Olymp. CXX. Iacharis tyrannidem arripit, Athenae capiuntur a Demetrio et praesidiô muniuntur ann. 1. 2. 3. quô eiectô Diphilus Archon de novo constituitur, Olymp. CXXII. annô 4. post Pytharatum dein, qui praefuit Olymp. CXXVIII. annô 1. Athenas cepit Antigonus Gonatas etc. Helvicus in Chronol.

Hofmann J. Lexicon universale. 1698.

Look at other dictionaries:

  • Créon — Créon …   Deutsch Wikipedia

  • Créon — Saltar a navegación, búsqueda Créon Creon País …   Wikipedia Español

  • Creon — Créon Cette page d’homonymie répertorie les différents sujets et articles partageant un même nom. Dans la mythologie grecque, ce nom est porté par plusieurs personnages : Créon, roi de Corinthe, qui offrit l hospitalité à Jason et Médée,… …   Wikipédia en Français

  • Creon — CREON, ontis, Gr. Κρέων, οντος, (⇒ Tab. XXII.) des Menöceus Sohn, bemächtigte sich nach des Lajus Tode der Herrschaft über Theben. Weil aber zu seiner Zeit sich das Unthier Sphinx, im Thebanischen auf dem Berge Phiceus einfand, und er auch selbst …   Gründliches mythologisches Lexikon

  • Creon [1] — CREON, ontis, König zu Korinth, gab seine Tochter, Glauce, oder, wie sie andere nennen, Kreusa, dem Jason zur Gemahlinn, wogegen dieser die Medea verstieß, mit der er doch bereits in die zehn Jahre gar vergnügt gelebet hatte. Es kostete aber… …   Gründliches mythologisches Lexikon

  • Créon — dans la myth. gr., frère de Jocaste. Roi de Thèbes après la mort des fils d OEdipe, il fut tué par Thésée. V. Antigone …   Encyclopédie Universelle

  • Creon — [krē′än΄] n. [Gr Kreōn] Gr. Legend a king of Thebes who has his niece Antigone entombed alive because she defies him: see ANTIGONE …   English World dictionary

  • Creon — This article is about the mythological ruler of Thebes. For other uses, see Creon (disambiguation). Creon (English pronunciation: /ˈkriːɒn/; Attic Greek: Κρέων, Kreōn, meaning ruler ) is a figure in Greek mythology best known as the ruler of… …   Wikipedia

  • Creon — ЗАО «Creon» Тип Закрытое акционерное общество Год основания 2004 Расположение …   Википедия

  • Créon — For the commune in the Landes department, see Créon d Armagnac. Créon …   Wikipedia

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.